ஸ்லோகம் 86
ம்ருஷா க்ருத்வா கோத்ரஸ்கலன-மத வைலக்ஷ்யநமிதம்
லலாடே பர்த்தாரம் சரணகமலே தாடயதி தே |
ஸிராதந்த: சல்யம் தஹனக்ருத-முன்மூலிதவதா
துலாகோடிக்வாணை: கிலிகிலித-மீசான-ரிபுணா ||
ஊடலில் பரமசிவன் பார்வதியை வணங்குவது மன்மதனுக்கு வெற்றி (பிசாசபய நிவிருத்தி,
சத்துரு ஜயம்)
(கோத்ரஸ்கலனம்) உன் பிறந்த வீட்டைப் பற்றிய ஏளனத்தை (ம்ருஷா) விளையாட்டுக்காக
(க்ருத்வா) செய்து விட்டு (அத) பிறகு உன் ப்ரணய கோபத்தைக் கண்டு (வைலக்ஷ்ய) இன்னது
செய்வதென்று தெரியாமல் (நமிதம்) வணங்கின (பர்த்தாரம்) பர்த்தாவின் (லலாடே) நெற்றியில்
(தே) உன்னுடைய (சரணகமலே) பாதகமலங்கள் (தாடயதி) தட்டுப்படும் போது, (தஹனக்ருதம்) நெற்றிக்கண்
நெருப்பால் இழைக்கப்பட்டு (சிராத் அந்த: சல்யம்) நெடுநாளாக நெஞ்சில் தைத்து உறுத்திக்
கொண்டிருந்த பாணம் போன்ற பகையை (உன்மூலிதவதா) அடியோடு தீர்த்துக் கொள்பவனும் (ஈசான-ரிபுணா)
சிவனுடைய பகைவனுமாகிய மன்மதனால் (துலா-கோடி-க்வாணை) உன் பாதச் சிலம்புகளின் ஒலிகளின்
மூலம் (கிலிகிலிதம்) ‘கிலி கிலி’ என்ற ஜயகோஷம் எழுப்பப்படுவதாயிற்று.
No comments:
Post a Comment